சூன்யப்பாதை
களவானியாய் பார்வைகளுக்கிடையில்
கண்டும் காணாமல் மென்னகை படரவிட்டு
நடையில் வலிந்து வரவழைக்கப்பட்ட கவனத்துடன்
காற்றைச் செல்லமாய்ச் சினந்து
கன்னச்சிகையை காதோரம் செருகி
இழுத்துவிட்டுக்கொள்ள தோள் ரவிக்கை விளிம்பும்
சரிசெய்ய முந்தானையும்
விரல்களின் வெறுமைக்கு துணையாக
கொலுசொலிக்கும் பரவும் சுகந்தத்திற்கும்
உன்னை உன் நிழல் பின்தொடர்வதில்
கர்வமுனக்கு
யட்சியின் சகல அறிகுறிகள்
சூன்யத்தின் பாதையில்
திரும்பிப்பார்த்தலின் கணங்களுக்காய்
நின் தடத்தை மிதிக்காது பின்தொடர்கிறேன்
வந்த வழியும்
திரும்பும் வழியும்
தெளிவற்றிருக்க
நீயுமில்லை
நின் பாதச்சுவடுமில்லை.
இதற்கு குழுசேர்:
கருத்துரைகளை இடு (Atom)
6 கருத்துகள்:
என்னங்க பிரமையா?? அது அப்படித்தான் இருக்கும்.. (ஓவரா கனவு காணாதீங்கன்னு சொல்றது!!) கவிதை அழகா இருக்கு..
மென்னகை,
கன்னச் சிகை போன்ற சொற்கள் அழகு
வாங்க ஆதவா, அப்படித்தான்
கன்னச்சிகையை காதோரம் செருகி//
இந்த வார்த்தை ரொம்ப நல்லாருக்கு...
நீங்கள் எழுதியிருக்கற சூழ்நிலை கவிதையில் மிக அழகாக வர்ணிக்கபட்டிருக்கிறது..
நல்லாருக்கு யாத்ரா!
கவிதை நல்லா வந்திருக்கு... வாழ்த்துக்கள்.
கவிதை அருமை, வாழ்த்துக்கள்
ஷீ நிசி, மாதவராஜ் ஐயா, குப்பன் யாஹீ வருகைக்கும் வாழ்த்துகளுக்கும் மிக்க நன்றி
கருத்துரையிடுக