யாத்ரா: அறியாமை

திங்கள், 4 மே, 2009

அறியாமை

அறியாமல் எய்திவிடுகிறீர்கள்
அம்புகளை
காகிதக்கத்தியென
விளையாட்டாய் செருகிவிடுகிறீர்கள்
தாகத்திற்கு குளிர்பானமாய்
அமிலம் அருந்தக்கொடுக்கிறீர்கள்
பீங்கான் வட்டில் கழிவறை பீங்கானென
மலம் பறிமாறுகிறீர்கள்
அறிவேன் அனைத்தும்
அறியாமையில் செய்யப்பட்டவைகளே
என் அறியாமையை மட்டுமேன்
அறிய மறுக்கிறீர்கள்.

10 கருத்துகள்:

"உழவன்" "Uzhavan" சொன்னது…: //என் அறியாமையை மட்டுமேன்
அறிய மறுக்கிறீர்கள்//
நல்ல சிந்திக்கத் தூண்டும் கேள்வி.

அன்புடன்
உழவன்; 4 மே, 2009 அன்று 9:22 PM
பெயரில்லா சொன்னது…: //என் அறியாமையை மட்டுமேன்
அறிய மறுக்கிறீர்கள்.//

நியாயமான ஆனால் பதில் எப்போதும் கிட்டாத கேள்வி இது.; 4 மே, 2009 அன்று 10:01 PM
மண்குதிரை சொன்னது…: படிமமா? குழப்பமாக இருக்கிறது யாத்ரா.; 4 மே, 2009 அன்று 10:37 PM
நந்தாகுமாரன் சொன்னது…: ம்ஹூம் ...; 4 மே, 2009 அன்று 11:42 PM
சேரலாதன் பாலசுப்பிரமணியன் சொன்னது…: அருமை! சில கேள்விகளுக்கு எப்போதுமே பதில் கிடைப்பதில்லை யாத்ரா!

-ப்ரியமுடன்
சேரல்; 5 மே, 2009 அன்று 1:35 AM
ஆ.சுதா சொன்னது…: ஆதங்கமான கேள்விகள், கவிதை
நறுக்கு.; 5 மே, 2009 அன்று 4:04 AM
யாத்ரா சொன்னது…: உழவன், வடகரைவேலன், மண்குதிரை, நந்தா, சேரல், முத்து நன்றி அனைவருக்கும்.; 5 மே, 2009 அன்று 5:52 AM
ச.முத்துவேல் சொன்னது…: அடுத்தவர் அறியாமல் தவறு செய்கிறபோது பூதாகரமாக்கிப் பார்க்கிறவர்கள், தன் தவறுகளை பெரிதாக உணருவதில்லை.
மாமியார் உடைச்சா மண்குடம்.மருமக உடச்சா பொன்குடம்.
இப்படிப் புரிந்துகொள்கிறேன்.சரியா?
/என் அறியாமையை மட்டுமேன்
அறிய மறுக்கிறீர்கள்./

பெருந்தன்மையும்,பக்குவமும்,
வெற்றிகளும் இயல்பாகப் பெற்றவர்களுக்கே பிறரின் அறியாமையை அறிய வாய்க்கும்.; 5 மே, 2009 அன்று 6:18 AM
ஆதவா சொன்னது…: மிக அருமையாக இருக்கிறது யாத்ரா..! அழகான கவிதை!! சொற்கள் அளவாக இருக்கிறது!; 5 மே, 2009 அன்று 10:15 AM
யாத்ரா சொன்னது…: முத்துவேல் ஆதவா நன்றி

மண்குதிரை, எனக்குமே கூட குழப்பமாத்தான் இருக்கு,
இந்த உவமை உருவகம் குறியீடு படிமம் இவற்றிற்கெல்லாம் இன்னமும் அர்த்தம் சரியாகத் தெரியவில்லை.; 5 மே, 2009 அன்று 12:59 PM